Եգիպտոսում ՀՀ դեսպանի հանդիպումն Արաբական լիգայի Գլխավոր քարտուղարի հետ

29 մայիսի, 2012

Ս.թ. մայիսի 29-ին Եգիպտոսում ՀՀ դեսպան Արմեն Մելքոնյանը հանդիպում է ունեցել Արաբական պետությունների լիգայի գլխավոր քարտուղար Նաբիլ ալ-Արաբիի հետ:

Քննարկվել են Հայաստանի և ԱՊԼ-ի միջև համագարծակցության հեռանկարները, երկկողմ հարթությունում արաբական երկրների հետ Հայաստանի հարաբերությունների ներկա մակարդակն ու զարգացման հնարավորությունները, ինչպես նաև երկուստեք հետաքրքրություն ներկայացնող տարածաշրջանային խնդիրներ:

ՀՀ դեսպանը Նաբիլ ալ-Արաբիին է ներկայացրել Լեռնային Ղարաբաղի հակամարտության խաղաղ կարգավորման գործընթացի ներկա վիճակը: ԱՊԼ գլխավոր քարտուղարը հատուկ ընդգծել է հայերի մեծ ներդրումը տարբեր արաբական երկրների հասարակական կյանքում:

Արաբական պետությունների լիգան հիմնադրվել է 1945թ. որպես արաբական երկրները միավորող միակ միջտարածաշրջանային կազմակերպություն: Ունի 22 անդամ: Նաբիլ ալ-Արաբին ԱՊԼ գլխավոր քարտուղարի պաշտոնը ստանձնել է 2011թ. հուլիսից: ՀՀ և ԱՊԼ միջև համագործակցությունն իրականացվում է 2005թ. ստորագրված Փոխըմբռնման հուշագրի հիման վրա: 2008-ից ի վեր Եգիպտոսում ՀՀ դեսպանը հավատարմագրվում է նաև ԱՊԼ-ում լիազոր ներկայացուցչի կարգավիճակով:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր