Դեսպան Արմեն Մելքոնյանի հանդիպումը Եգիպտոսի Մշակույթի նախարարի հետ

28 փետրվարի, 2012

Ս.թ. փետրվարի 28-ին Եգիպտոսում Հայաստանի դեսպան Արմեն Մելքոնյանը հանդիպում է ունեցել ԵԱՀ մշակույթի նախարար դոկտոր Շաքեր Աբդելհամիդի հետ:

Հանդիպման ընթացքում, որին ներկա էր նաև ԵԱՀ մշակույթի նախարարի առաջին տեղակալ Հոսամ Նասսարը, քննարկվել են մշակույթի բնագավառում հայ-եգիպտական համագործակցության արդի վիճակը եւ զարգացման հեռանկարները: Կողմերը կարևորել են 2011թ. նոյեմբերին Հայաստանում անցկացված Եգիպտոսի մշակույթի օրերի շրջանակում ստորագրված ՀՀ և ԵԱՀ միջև 2011-2013թթ մշակութային համագործակցության գործնական ծրագրով նախատեսվող միջոցառումների և պայմանավորվածությունների իրականացումը:

Դեսպան Ա. Մելքոնյանը նախարարին տեղեկացրել է Հայ գրատպության 500-ամյակի և ՅՈՒՆԵՍԿՕ-ի կողմից Երևանը գրքի 2012թ համաշխարհային մայրաքաղաք հռչակելու առթիվ սպասվող տոնակատարությունների մասին և փոխանցել համակարգող կազմկոմիտեի հրավերը՝ ս.թ. ապրիլին ներկա գտնվելու բացման հանդիսավոր արարողությանը:

Նախարար Շաքեր Աբդելհամիդը շնորհավորել է Երևանը 2012թ գրքի համաշխարհային մայրաքաղաք հռչակվելու կապակցությամբ, ինչպես նաև առանձնահատուկ ընդգծվել եգիպտահայ համայնքի դերն ու նշանակալից ներդրումը` Եգիպտոսի մշակույթի զարգացման գործում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր