Դեսպան Հրաչյա Փոլադյանի հանդիպումը Եգիպտոսի զբոսաշրջության և հնությունների նախարարության արտաքին հարաբերությունների վարչության պետ, դեսպան Դալիա Աբդել Ֆաթթահի հետ

08 փետրվարի, 2022

Փետրվարի 8-ին Եգիպտոսում ՀՀ դեսպան Հրաչյա Փոլադյանը հանդիպել է Եգիպտոսի զբոսաշրջության և հնությունների նախարարության արտաքին հարաբերությունների վարչության պետ, դեսպան Դալիա Աբդել Ֆաթթահի հետ։

Զրույցի ընթացքում դեսպան Հր. Փոլադյանը ներկայացրեց ԵԱՀ քաղաքացիների համար ընդունված խմբային վիզային ռեժիմի պարզեցված համակարգը, որն արդեն իսկ մտել է ուժի մեջ։ Երկուստեք ընդգծվեց, որ տեղի ունեցած փոփոխությունները խթան կհանդիսանան զբոսաշրջության զարգացման համար։

Այս համատեքստում, հաշվի առնելով 2021թ. նոյեմբերի 28-ին ՀՀ դեսպան Հր. Փոլադյանի և ԵԱՀ զբոսաշրջության և հնությունների նախարար Խալիդ էլ-Էնանիի հետ հանդիպման ընթացքում ձեռքբերված պայմանավորվածությունները, զրուցակիցները քննարկեցին հայկական և եգիպտական տուր-օպերատորների միջև առաջին բիզնես-ֆորումի կազմակերպման հարցը։

Զբոսաշրջության բնագավառում հայ-եգիպտական համագործակցության զարգացման տեսանկյունից զրուցակիցները կարևորեցին Շարմ էլ Շեյխ – Երևան և Հուրգադա – Երևան կանոնավոր չվերթների առկայությունը, որոնց ներուժը դեռ ամբողջությամբ չի օգտագործվում։

Զրույցի ավարտին եգիպտացի պաշտոնյան անդրադարձավ Եգիպտոսի հայ համայնքի դրական դերակատարությանը և կարևորությանը Եգիպտոսի, ինչպես նաև՝ հայ-եգիպտական հարաբերությունների համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր