Դեսպան Հրաչյա Փոլադյանի հանդիպումը Եգիպտոսի կապի և տեղեկատվական տեխնոլոգիաների նախարար Ամր Ահմեդ Թալաաթի հետ

17 հունվարի, 2022

Հունվարի 17-ին Եգիպտոսում ՀՀ դեսպան Հրաչյա Փոլադյանը հանդիպել է Եգիպտոսի կապի և տեղեկատվական տեխնոլոգիաների նախարար Ամր Ահմեդ Թալաաթի հետ։

Հանդիպման ընթացքում դեսպան Հր. Փոլադյանը եգիպտացի պաշտոնյային փոխանցել է 2022թ. մարտի 31-ից ապրիլի 2-ը Երևանում կայանալիք «Արմհայթեք-2022» սպառազինության ու պաշտպանական տեխնոլոգիաների 3-րդ միջազգային ցուցահանդեսին մասնակցության պաշտոնական հրավերը։

Զրուցակիցներն անդրադարձ են կատարել բարձր տեխնոլոգիաների բնագավառում համագործակցության, հայ-եգիպտական ՏՏ բիզնես-ֆորումի կազմակերպման հարցերին, ինչպես նաև 2022թ. ընթացքում նախատեսվող հայ-եգիպտական միջառավարական համատեղ հանձնաժողովի հերթական նիստի և հայ-եգիտական դիվանագիտական հարաբերությունների հաստատման 30-ամյակին (2022թ. մարտի 9-ը) նվիրված միջոցառումների համատեքստում համատեղ անելիքներին։

Երկուստեք կարևորվել է իրավապայմանագրային հենքի ընդլայնման գործընթացը։

Զրույցի ընթացքում եգիպտացի պաշտոնյան բազմիցս անդրադարձ կատարեց հայերի և հայ համայնքի բացարձակ դրական դերակատարությանը Եգիպտոսի պատմության ընթացքում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր