Դեսպան Կարեն Գրիգորյանի հանդիպումը ԵԱՀ Ներգաղթի և արտերկրում բնակվող եգիպտացիների հարցերով պետական նախարար Նաբիլա Մակրամի հետ

22 օգոստոսի, 2021

Օգոստոսի 22-ին` Եգիպտոսում իր դիվանագիտական առաքելությունն ավարտելու կապակցությամբ, ՀՀ դեսպան Կարեն Գրիգորյանը հանդիպել է ԵԱՀ Ներգաղթի և արտերկրում բնակվող եգիպտացիների հարցերով պետական նախարար Նաբիլա Մակրամին։

Ողջունելով հյուրին՝ նախարարը շնորհակալություն է հայտնել դեսպան Գրիգորյանի՝ Եգիպտոսում իր առաքելության ընթացքում կատարած աշխատանքի համար։ Անդրադառնալով Հայաստան-Եգիպտոս ավանդական հարաբերություններին՝ զրուցակիցները բարձր են գնահատել Եգիպտոսում հայ համայնքի դերակատարությունը` երկկողմ կապերի ամրապնդման և զարգացման գործում։

Իր հերթին, դեսպան Կարեն Գրիգորյանը երախտագիտություն է հայտնել ջերմ ընդունելության համար՝ հրավիրելով Նաբիլա Մակրամին այց կատարել Հայաստան։

Հանդիպման ավարտին ԵԱՀ նախարարը պարգևատրել է ՀՀ դեսպանին պատվո հուշանվերով` մաղթելով հաջողություն հետագա գործունեության մեջ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր