Դեսպան Արմեն Մելքոնյանը հանդիպել է Ղպտի Ուղղափառ Եկեղեցու առաջնորդ Ն.Ս.Թավադրոս Բ Պապի հետ

31 հուլիսի, 2013

Հուլիսի 31–ին Եգիպտոսում Հայաստանի դեսպան Արմեն Մելքոնյանը հանդիպում է ունեցել Ալեքսանդրիայի Պապ և Ս.Մարկոսի Աթոռի պատրիարք, Ղպտի Ուղղափառ Եկեղեցու առաջնորդ Ն.Ս. Թավադրոս Բ-ի հետ:

Ջերմ և անկեղծ զրույցի ընթացքում անդրադարձ է կատարվել հայ–եգիպտական ավանդական պատմա–մշակութային առնչություններին, ներկա փուլում Հայաստանի և Եգիպտոսի միջև տարաբնույթ համագործակցության զարգացման ընթացքին և հեռանկարներին։

Դեսպան Ա.Մելքոնյանը Ն.Ս.Թավադրոս Բ–ի ուշադրությանն է ներկայացրել ԼՂ հիմնախնդրի խաղաղ կարգավորման ուղղությամբ Հայաստանի կողմից գործադրվող ջանքերը, ինչպես նաև` Հայոց ցեղասպանության միջազգային ճանաչման և դատապարտման գործընթացի մանրամասները։

Ղպտի ուղղափառ եկեղեցու հովվապետը խնդրել է ՀՀ դեսպանին իր եղբայրական ողջույնները փոխանցել Ն.Ս.Օ.Տ.Տ. Գարեգին Բ Ամենայն Հայոց Կաթողիկոսին:

Հանդիպմանը, որը կայացել է Թավադրոս Բ–ի` պատմական Վադի Նատրուն վանական համալիրի նստավայրում, ներկա է գտնվել նաև Եգիպտոսի Հայ Կաթողիկե թեմի առաջնորդ Տ. Գրիգոր Օգոստինոս եպիսկոպոս Գուսանը

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր