Եգիպտացի հայագետի հարցազրույցը Հայոց ցեղասպանության վերաբերյալ

19 ապրիլի, 2013

Եգիպտացի անվանի հայագետ, ցեղասպանագետ դոկտոր Մուհամմադ Ռեֆաթ ալ–Իմամը Հայոց ցեղասպանության մասին հարցազրույց է տվել «Վետո» արաբալեզու շաբաթաթերթին։

Հարցազրույցում գիտնակաը խոսում է Օսմանյան կայսրությունում հայերի կարգավիճակի, Հայկական հարցի առաջացման, Հայոց ցեղասպանության նախապատմության և դրդապատճառների մասին: Անդրադառնալով ՄԱԿ–ի Ցեղասպանության կոնվենցիային` գիտնականը եզրահանգում է, որ համաձայն կոնվենցիայի` "այն, ինչ պատահեց հայերին Օսմանյան կայսրությունում, ցեղասպանության ցայտուն օրինակ էր":

Դոկտոր Ռեֆաթ ալ-Իմամը Թուրքիայի ժխտողականությունը բացատրում է թուրքական պետության ինքնությանը չվնասելու, ինչպես նաև` հնարավոր փոխհատուցումներից խուսափելու մտահոգությամբ, քանի որ "1915թ. հայերի կալվածքներն ու նյութական միջոցները բռնազավթվեցին և ընդունված օրենքների համաձայն բաշխվեցին նոր տերերին, որոնք հարուստներ դարձան հայկական ունեցվածքի շնորհիվ": Ըստ նրա` "Թուրքիան վախենում է ճանաչումից, քանի որ դա նրան պատմականորեն կկապի միջազգային իրավունքի տեսանկյունից ամենածանր հանցագործության հետ":

Ռեֆաթ ալ-Իմամն անդրադարձել է նաև Եգիպտոսի 19-րդ դարի քաղաքական և հասարակական կյանքում հայերի նշանակալից ներդրմանը։

Հոդվածի էլեկտրոնային տարբերակը կարելի է գտնել այստեղ /արաբերեն/։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր