«Սումգայիթ. Սովորական ցեղասպանություն» ֆիլմի ցուցադրություն ՀՀ դեսպանությունում

18 մարտի, 2013

«Սումգայիթ. Սովորական ցեղասպանություն» փաստավավերագրական ֆիլմի արաբերեն տարբերակը ցուցադրվել է Եգիպտոսում ՀՀ դեսպանությունում ։

Ցուցադրմանը ներկա են եղել Եգիպտոսի քաղաքական և հասարակական կազմակերպությունների ներկայացուցիչներ, մտավորականներ, լրագրողներ և եգիպտահայ համայնքի անդամներ։

Ֆիլմից առաջ ելույթ է ունեցել ՀՀ դեսպան Արմեն Մելքոնյանը, ով մասնավորապես ընդգծել է Սումգայիթի ոճրագործության` ադրբեջանական իշխանությունների կողմից նախապես ծրագված լինելը։ Նա նշել է, որ Սումգայիթում, ինչպես նաև Բաքվում, Կիրովաբադում, Մարաղայում և այլուր իրականացրած հայերի ջարդերի և էթնիկ զտումների համար պատասխանատվությունից խուսափելու նպատակով Բաքուն փորձում է մոլորեցնել միջազգային հանրությանը` ստահոդ քարոզչություն տարածելով Խոջալուի դեպքերի մասին։ Ֆիլմի դիտումից հետո տեղի է ունեցել մտքերի փոխանակում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր