ՀՀ դեսպանի հանդիպումը ԵԱՀ վակուֆների նախարարի հետ

18 մարտի, 2013

Եգիպտոսում ՀՀ դեսպան Արմեն Մելքոնյանը հանդիպում է ունեցել ԵԱՀ վակուֆների նախարար, շեյխ Տալաաթ Մուհամմադ Աֆիֆիի հետ։

Ջերմ և կառուցողական մթնոլորտում քննարկվել են հայ–եգիպտական տարաբնույթ հարաբերություններին վերաբերող հարցեր, կարևորվել է քաղաքակրթությունների միջև երկխոսության խրախուսումը։ Երկուստեք բարձր է գնահատվել այդ հարաբերություններում եգիպտահայ համայնքի ունեցած ավանդական դերակատարությունը։

ՀՀ դեսպանը շեյխ Աֆիֆիին մանրամասն տեղեկացրել է Լեռնային Ղարաբաղի հակամարտության խաղաղ կարգավորման գործընթացի, այդ ուղղությամբ Հայաստանի և միջազգային հանրության գործադրած ջանքերի մասին:

Հանդիպմանը մասնակցել են նաև վակուֆների նախարարի առաջին տեղակալ, շեյխ Աբդո Մուկլիդը և Եգիպտոսի հայ կաթողիկե համայնքի առաջնորդ Գրիգոր Օգոստինոս եպիսկոպոս Գուսանը։

Տեղեկանք: Վակուֆների նախարարությունը տնօրինում է կրոնական հաստատություններին պատկանող կալվածքները, որոնք դարեր շարունակ գոյացել են նվիրատվություններից։ Մզկիթները հանդես են գալիս որպես այդ կալվածքների խնամակալ, իսկ ողջ հասարակությունը համարվում է դրանց շահառու։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր