ՀՀ Անկախության 21-ամյակի տոնակատարությունը Եգիպտոսում

23 սեպտեմբերի, 2012

Հայաստանի Հանրապետության Անկախության 21-րդ տարեդարձի կապակցությամբ ս.թ. սեպտեմբերի 23-ին Կահիրեում ՀՀ դեսպանությունում տեղի է ունեցել պաշտոնական ընդունելություն: Մի քանի հարյուր հյուրերի թվում էին Եգիպտոսի Արաբական Հանրապետության Պառլամենտի Վերին պալատի փոխնախագահ Տարեկ ալ-Սահրին, արտաքին գործերի, պաշտպանության, մշակույթի և այլ նախարարությունների ու գերատեսչությունների բարձրաստիճան պաշտոնյաներ, Կահիրեում հավատարմագրված ավելի քան 60 երկրների դեսպաններ և դիվանագետներ, անվանի հասարակական-քաղաքական գործիչներ, գործարարներ, արվեստագետներ, լրագրողներ:

ՀՀ Անկախության տոնը շնարհավորելու էին եկել նաև Եգիպտոսի Հայոց առաքելական համայնքի առաջնորդ Տ. Աշոտ եպիսկոպոս Մնացականյանը, Կահիրեի և Ալքեսանդրիայի թեմական և քաղաքական ժողովների ղեկավարները, հայ համայնքի բազմաթիվ անդամներ և Եգիպտոսում բնակվող Հայաստանի քաղաքացիներ:

Ընդունելությանը ելույթով հանդես է եկել Եգիպտոսում ՀՀ դեսպան Արմեն Մելքոնյանը: Նա խոսել է անկախության` որպես հայ ժողովրդի դարավոր իղձերի և երազաքների իրականացման մասին, անդրադարձել անցած տարիների ընթացքում Հայաստանի ձեռքբերումներին ու հաջողություներին, առկա մարտահրավերներին, ինչպես նաև հայ-եգիպտական համագործակցության խնդիրներին՝ կարևորելով հայ համայնքի դերակատարությունը երկու երկրների միջև բարեկամական հարաբերությունների սերտացման գործում:

Նախօրեին ՀՀ դեսպանություն էր այցելել ԵԱՀ Նախագահ Մոհամեդ Մուրսիի անձնական ներկայացուցիչ Ահմադ Էլ-Անսարին, որը Հայաստանի Հանրապետության Անկախության տոնի առթիվ դեսպան Ա.Մելքոնյանին էր փոխանցել երկրի ղեկավարի ջերմագին շնորհավորանքները և բարեմաղթանքները` ուղղված ՀՀ նախագահ Սերժ Սարգսյանին և բարեկամ հայ ժողովրդին:

ՀՀ Անկախության 20-ամյակին են անդրադարձել եգիպտական ԶԼՄ-ները, մասնավորապես` «Ալ-Բալադ», «Ալ-Ահրամ» և «The Egyptian Gazette» օրաթերթերը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր