ՀԲԸՄ Գահիրէ Կը Պատուէ «Տեղեկատու» Ամսագրի Նախորդ Խմբագրին

13 մայիսի, 2012

Գահիրէ (Արմաւենի) — Հայկական Բարեգործական Ընդհանուր Միութեան Գահիրէի Մասնաճիւղի (ՀԲԸՄ Գահիրէ) նախաձեռնութեամբ, միութեան «Տեղեկատու» հայերէն եռամսեայ ամսագրի գրողներուն ընդունելութիւն մը կազմակերպուած էր` ի պատիւ Արաքսի Տէօվլէթեանի, որ թոշակի անցած էր ինն տարի խմբագրի պաշտօնը վարելէ ետք: Ընդունելութիւնը տեղի ունեցած է Կիրակի 6 Մայիսին, Ս. Թերեզա ակումբի բացօթեայ ճաշարանին մէջ:

«Ի յիշատակ եւ երախտագիտութիւն տիկ. Տէօվլէթեանի նուիրուած երկարամեայ գործունէութեան» ընդունելութեան վերջաւորութեան ՀԲԸՄ Գահիրէի Ատենապետ Բժ. Վիգէն Ճիզմէճեան անոր նուիրած է փորագրուած բիւրեղապակեայ պնակ մը, զոր Տէօվլէթեան ստացած է` խմբագրական կազմին մաղթելով նոր յաջողութիւններ:

«Ընդունելութիւնը կազմակերպած էինք Ս. Թերեզա ակումբի վերնայարկի բացօթեայ ճաշարանը որովհետեւ կը փափաքէինք առանձինն տեղ մը վարձել,» կ’ըսէ Ճիզմէճեան: «Բացի այդ, Ս. Թերեզա ակումբի ճաշարանը ճաշերու սպասարկման ճոխ զանազանութիւն ունի»:

Ընդունելութեան միջոցին, Տէօվլէթեան դրուատանքի խօսքերու արժանացած է ամսագրի իր գործընկերներուն կողմէ` մասնաւորապէս Անժիկ Կանիմեանի եւ Շաքէ Մարգարեանի կողմէ, որ ներկայիս պատասխանատու խմբագիրն է: Խօսք առած են նաեւ ՀԲԸՄի պատուոյ ատենապետ Պերճ Թէրզեան եւ բժ. Ճիզմէճեան:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր