Եգիպտական մամուլը տարածել է ՀՀ դեսպանության հաղորդագրությունը

14 մարտի, 2012

Եգիպտական ամենահեղինակավոր օրաթերթերից «Յաում 7»-ն, ս.թ. մարտի 14-ին տարածել է Կահիրեում ՀՀ դեսպանության մամլո հաղորդագրությունը, որտեղ դատապարտվում է Ադրբեջանի կողմից հայկական մշակութային ժառանգության, մասնավորապես` Նախիջևանի միջնադարյան գերեզմանատան հազարավոր խաչքարերի ոչնչացման փաստերը: Միաժամանակ այստեղ բացահայտվում է Հայաստանին և Արցախին ադրբեջանական կրոնական և մշակութային հուշարձանների նկատմամբ ոտնձգություններ կատարելու մեջ մեղադրելու փորձերի սնանկությունը:

Հաղորդագրությունում մանրամասն ներկայացված են Սումգայիթում և այլ բնակավայրերում հայերի նկատմամբ ադրբեջանցիների իրականացրած կոտորածներն ու էթնիկ զտումները, ինչպես նաև` Խոջալուի իրադարձությունների շուրջ ճշմարտությունը և ադրբեջանական նենգափոխումները:

Հաղորդագրության արաբերեն տարբերակը կարելի է գտնել այստեղ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր