"Հայաստան Եգիպտոս․ Գունանեղ Զուգահեռներ" լուսանկարների ցուցահանդես Կահիրեում

27 սեպտեմբերի, 2016

ՀՀ անկախության 25 ամյակին նվիրված միջոցառումների շրջանակներում, Եգիպտոսում ՀՀ դեսպանության նախաձեռնությամբ և ԵԱՀ մշակույթի նախարարության հովանու ներքո ս․թ․ սեպտեմբերի 26-ին Միջազգային մշակութային համագործակցության եգիպտական կենտրոնում տեղի ունեցավ Եգիպտացի լուսանկարիչ Թաուֆիկ Դաջանիի «Հայաստան-Եգիպտոս․ Գունեղ զուգահեռներ» ցուցահանդեսի բացման արարողությունը։
Ցուցահանդեսում կողք կողքի ներկայացված էին Դաջանիի՝ Հայաստան այցելության ընթացքում և Եգիպտոսում կատարած լուսանկարչական աշխատանքները, որոնք պատկերում են երկու երկրների գեղատեսիլ վայրերի, պատմամշակութային հուշարձանները, առօրյա կյանքը և այլն։
Միջոցառմանը ներկա էին ՀՀ դեսպան Արմեն Մելքոնյանը, ԵԱՀ Մշակույթի նախարարի առաջին տեղակալ Այման Աբդել Հադին, օտաերկրյա դիվանագետներ, մշակութային գործիչներ, հայ համայնքի ներկայացուցիչներ, լրագրողներ արվեստասեր հասարակություն։
Իրենց ելույթներում դեսպան Մելքոնյանը և նախարարի տեղակալ Աբդել Հադին բարձր գնահատեցին լուսանկարիչ Տաուֆիկ Դաջանիի կատարած աշխատանքը։ Մասնավորապես՝ դեսպան Մելքոնյանը նշեց, որ Դաջանիին հաջողվել է իրեն բնորոշ յուրահատուկ ոճի և գունային գամմաների միջոցով լավագույնս փոխանցել երկու բարեկամ ժողովուրդների մշակույթների խորքային ընդհանրությունները։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր