Իւղագինը Վերացուած՝ Գահիրէի Եկեղեցւոյ Հոգաբարձութեան որոշումով

12 դեկտեմբերի, 2011

Գահիրէ (Արմաւենի) - Գահիրէի հայ առաքելական համայնքի անդամները ազատուած են տարեկան իւղագինի վճարումէն, Ս. Գրիգոր Լուսաւորիչ եկեղեցւոյ հոգաբարձութեան որոշումով:

Որոշումը տրուած է հոգաբարձութեան 7 Դեկտեմբերի ժողովի ընթացքին, որ գումարուեցաւ Եգիպտոսի Թեմի Առաջնորդ Գերաշնորհ Տէր Աշոտ Եպիսկոպոս Մնացականեանի նախագահութեամբ, կը տեղեկացնէ հոգաբարձութեան Փոխատենապետ Մարտիկ Թերզիպաշեան: Իւղագինը եկեղեցւոյ տրուած նիւթական նուէր է:

Ժողովը նաեւ որոշած է վերացնել աւանդական դրամահաւաքը, որ կը կատարուէր Ս. Ծնունդի եւ Ս. Զատիկի քարոզներու միջոցին եւ մէկ չափով մոմ վաճառել առանց գին սահմանելով, կը յիշատակէ Թէրզիպաշեան:

«Այս որոշումները տալէ առաջ շատ երկար մտածած ենք,» կ'ըսէ ան, «եւ կարեւոր կը համարենք, որ ոչ թէ եկեղեցին հաւաքէ կամ չափ սահմանէ նուիրատութեան մը, այլ՝ հաւատացեալները իրենց սրտի եւ կարողութեան համեմատ գանձանակը դնեն իրենց փափաքած գումարները»:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր